| |
Home Livan Drê |
|
About the Cornish Language Menz êz adro tha Kernûak |
|
Learning Cornish Deski Kernûak |
|
Events Occasyons |
|
 |
1. En dalleth Deu grwes an neue ha an aor.
2. Ha thera an bez heb composter, ha heb kanifer tra; ha tuylder rag mêr a dounder, ha spiriz Deu reeg guaya var budgeth an dour.
3. Ha Deu laveraz, gwrens boz golou, ha thera golou.
4. Ha Deu gwellas an golou, tho vo da, ha Deu debarris an golou vrt an tuylder.
5. Ha Deu gwres an golou deth, ha an tuylder e gwres nôz, ha an gothihuar ha metten vo an kenza jorna. (Gw.MS: a for an)
6. Ha Deu laveraz, gwrens boz ebron en kreis an dour, ha gwrens a debarra an dour (Gw.doar) vrt an dour.
7. Ha Deu gwras an ebron, ha debarras an dour era dadn an ebron, vrt an dour era var an ebron, ha vo an della. (Gw. has doar)
8. Ha Deu kries an ebron neue, ha gethihuer ha metten vo nessa jorna.
9. Ha Deu laveraz, Gwrens an dour dadn an neue bos kontlez var bar do idn tellar, ha gwrens an teer zeth deskuethes, ha vo an della.
10. Ha Deu kriez an teer zeth an aor, ha kentel (Borlase MS kontel) var bar an dour e kriez mor, ha Deu gwellas tro vo da.
11. Ha Deu laveraz, gwrens an aor dri meas gwelz, ha lushan dro meas hâz, ha gwethan dri meas ffrueth, var bar a haval, pe a eu eta vonnin var an aor, ha tho vo (Gw.MS: va) a della.
12. Ha an aor drez meas gwelz, ha lushan haz eta vonnin var ler a haval, ha gwethan drez meas frueth var bar a haval, ha Deu gwellas tro vo da.
13. Ha gethihuer ha metten o an tridga jorna (Bor.MS: deth).
14. Ha Deu laveraz, gwrens bos gullou en ebron neve do debarra deth vrt an noz, ha gwrens gi bos rag signezou, rag termen, ha rag dethiou ha blethaniou.
15. Ha gwrens bos rag gullow en ebron neve do ro gullou var an aor, ha vo an della.
16. Ha Deu gwras deau gullow brôz, an broza rag an deth ha an behatna rag an noz, e gwras an sterradnou a veth.
17. Ha Deu goras gi en ebron neve, do ri gullow var an Aor.
18. Ha do moas dres an deth, ha an noz, ha do debarra an gullow urt an tuilder, ha Deu gwellas tho vo da.
19. Ha gethiuar ha mettin o an padgurra jorna.
20. Ha Deu laveraz, gwrens an dour dri meas meer an taklolaz guayans gen bounas, ha hethen rag neidga hual an aor, en ebron neve a lez.
21. Ha Deu gwras an pusgaz broz, ha kanifer tra es guaya grêg an dour dri meer a meas var-ler ens haval, ha kanifer hethen gen azgran varler a haval, ha Deu gwellas tro vo da.
22. Ha Deu rêg gi beniga laverans, betho lean gen haz, ha kressia ha lenal an dour en môr, ha gwrens an hethan kressia en aor.
23. Ha gethihuer ha mettin o an pempas jorna.
24. Ha Deu laveraz, gwrenz an aor dri meas an taklou ez dothan bounaz var a haval, chattoll ha taklou ens kramia, ha an mîl an aor var ler ans haval, ha tho vo an della.
25. Ha Deu gwras an mîl an aor var ler a haval, ha kanifer tra es kramia var an aor var ler a haval, ha Deu guellas tho vo da.
26. Ha Deu laveras, gero ni guil dean an avain ni, var ler haval ni, ha gwrens govas pour dres poskas mor ha dres an hethan en ebron ha dres an chattoll, ha dres ol an aor, ha kanifer tra kramia es guaya var an aor.
27. Ha della Deu gwras dean en avain e vonnin, en avain Deu e gwas, gurrou ha benou gi ve gwras.
28. Ha Deu rêg gi benigia, ha Deu lavaras dothans, betho lean gen haz, ha kressia, ha lenal an aor, ha dova e, ha govas por dres an pusgaz en mor, ha hethan en Ebron, ha dres kanifer tra es bounas ha guayya var an aor.
29. Ha Deu lavaras, Mero, ma res gennam do vy kanifer lushan gen haz, pe es var ol budgeth an aor, ha kanifer guethan menz es frueth guethan gen haz, do vy enz ra bos rag boaz.
30. Ha do ol mil en aor, ha do kanifer hethen en ebron, ha kanifer tra es guaya var an aor, menz bos bounas eta, ha ma res gennam kanifer lushan glaz rag boaz, ha tho vo an della.
31. Ha Deu gwelles kanifer tra vo gwres gen e vonnin, ha mero, tho vo perth da, ha gethihuar ha mettin ve an veffras jorna.
